IPS Anjana Krishna Success Story आयुष्याच्या प्रत्येक टप्प्यावर संघर्ष करत, मेहनतीच्या जोरावर स्वप्न पूर्ण करणाऱ्यांची कहाणी नेहमीच प्रेरणादायी ठरते. केरळमधील एका सामान्य कुटुंबातील मुलगी आज महाराष्ट्राच्या सोलापूर जिल्ह्यात पोलीस उपअधीक्षक (डीएसपी) म्हणून कार्यरत आहे. त्या म्हणजेच आयपीएस अंजना कृष्णा.
- Brain drain : भारतासमोरील वाढती बौद्धिक गळती
- IND vs PAK : 18व्या षटकातील ‘त्या’ कॅचनंतर टीम इंडियात तणाव? हार्दिक-कुलदीप वादाचा व्हिडीओ व्हायरल
- मोठी बातमी : शेतकऱ्यांचा सातबारा कोरा होणार? १९९० ते २०२५ दरम्यानच्या कर्जमाफीसाठी सरकारची हालचाल; १४ जिल्ह्यांना सर्वाधिक दिलासा
- युपीआयद्वारे काढता येणार पीएफची रक्कम, कशी आणि कधी; जाणून घ्या
- महाराष्ट्राचा अर्थसंकल्प ६ मार्चला; विधिमंडळाचे अधिवेशन २३ फेब्रुवारीपासून, मुख्यमंत्री फडणवीस मांडणार बजेट
अंजना यांचा जन्म केरळच्या तिरुवनंतपुरम येथे झाला. वडील बीजू कृष्णा लहानसा कपड्यांचा व्यवसाय करतात, तर आई सीना स्थानिक कोर्टात टायपिस्ट म्हणून काम करतात. साध्या कुटुंबातून येऊन मोठे स्वप्न पाहणे सोपे नव्हते, पण अंजनाने ते केवळ पाहिलेच नाही तर ते पूर्णही केले.
अंजना कृष्णा यांनी शालेय शिक्षण सेंट मेरी सेंट्रल स्कूल, पूजापुरा येथे घेतले. पुढे त्यांनी एनएसएस कॉलेज फॉर वुमन, नीरमंकारा येथून गणित विषयात बीएससी पदवी पूर्ण केली. शिक्षण घेत असतानाच नागरी सेवेत जाण्याचे स्वप्न त्यांनी मनाशी पक्के केले आणि UPSC तयारीसाठी झोकून दिले.
UPSC मधील यश
UPSC ही परीक्षा देशातील सर्वात कठीण मानली जाते. अनेकदा अपयश आले तरी अंजना कृष्णा यांनी हार मानली नाही. सातत्य, मेहनत आणि आत्मविश्वास यांच्या जोरावर त्यांनी UPSC नागरी सेवा परीक्षा 2022-23 मध्ये 355 वा क्रमांक मिळवला. या निकालानंतर त्यांना भारतीय पोलीस सेवा (IPS) कॅडर मिळाले.
- Brain drain : भारतासमोरील वाढती बौद्धिक गळती
- IND vs PAK : 18व्या षटकातील ‘त्या’ कॅचनंतर टीम इंडियात तणाव? हार्दिक-कुलदीप वादाचा व्हिडीओ व्हायरल
- मोठी बातमी : शेतकऱ्यांचा सातबारा कोरा होणार? १९९० ते २०२५ दरम्यानच्या कर्जमाफीसाठी सरकारची हालचाल; १४ जिल्ह्यांना सर्वाधिक दिलासा
- युपीआयद्वारे काढता येणार पीएफची रक्कम, कशी आणि कधी; जाणून घ्या
- महाराष्ट्राचा अर्थसंकल्प ६ मार्चला; विधिमंडळाचे अधिवेशन २३ फेब्रुवारीपासून, मुख्यमंत्री फडणवीस मांडणार बजेट
सध्या अंजना कृष्णा या सोलापूर जिल्ह्यातील करमाळा येथे उपविभागीय पोलीस अधिकारी (डीएसपी) म्हणून कार्यरत आहेत. कायदा-सुव्यवस्था राखणे, गुन्हे रोखणे आणि समाजात सुरक्षिततेची भावना निर्माण करणे ही मोठी जबाबदारी त्या समर्थपणे पार पाडत आहेत.
अलीकडेच अंजना कृष्णा यांचा महाराष्ट्राचे उपमुख्यमंत्री अजित पवार यांच्यासोबतचा एक व्हिडिओ व्हायरल झाला. या व्हिडिओमध्ये त्यांनी अजित पवारांच्या फोनला नकार देत ठाम भूमिका घेतल्याचे दिसते. यामुळे त्यांची प्रामाणिकता आणि कर्तव्यनिष्ठा जनतेसमोर आली आणि त्या अधिक चर्चेत आल्या.
तरुणांसाठी प्रेरणादायी आदर्श
अंजना कृष्णा यांच्या यशोगाथेतील सर्वात मोठा संदेश म्हणजे – कठोर मेहनत आणि चिकाटी यांना पर्याय नाही. साध्या कुटुंबातील मुलगी आज IPS अधिकारी बनून देशाची सेवा करत आहे. त्यांची ही वाटचाल अनेक तरुणांना UPSC परीक्षेच्या तयारीसाठी आणि स्वतःवर विश्वास ठेवण्यासाठी प्रेरणा देते.
थोडक्यात, आई कोर्टात टायपिस्ट, वडील दुकानदार – अशा साध्या कुटुंबातून आलेल्या अंजना कृष्णा यांनी दाखवून दिले की, मनापासून परिश्रम केले तर यश नक्कीच मिळते.