राज्यातील शिक्षक संघटनांनी ५ डिसेंबर रोजी पुकारलेले ‘शाळा बंद’ आंदोलन कोणत्याही परिस्थितीत होणारच, असा ठाम निर्धार व्यक्त केला आहे. शिक्षण विभागाने आंदोलन रोखण्यासाठी एक दिवसाचे वेतन कपात करण्याचा निर्णय घेतला असला, तरी संघटना माघार घेण्याच्या मूडमध्ये नाहीत. त्यामुळे उद्या राज्यभरातील हजारो शाळांचे दरवाजे बंद राहणार हे स्पष्ट झाले आहे.
राज्यातील खासगी अनुदानित, अंशतः अनुदानित आणि विनाअनुदानित अशा सुमारे २५ हजार शाळांतील मुख्याध्यापक, शिक्षक आणि शिक्षकेतर कर्मचारी या आंदोलनात सहभागी होणार आहेत. वेतन कपातीच्या इशाऱ्यामुळे आंदोलनाची तीव्रता वाढली आहे.
- Brain drain : भारतासमोरील वाढती बौद्धिक गळती
- IND vs PAK : 18व्या षटकातील ‘त्या’ कॅचनंतर टीम इंडियात तणाव? हार्दिक-कुलदीप वादाचा व्हिडीओ व्हायरल
- मोठी बातमी : शेतकऱ्यांचा सातबारा कोरा होणार? १९९० ते २०२५ दरम्यानच्या कर्जमाफीसाठी सरकारची हालचाल; १४ जिल्ह्यांना सर्वाधिक दिलासा
- युपीआयद्वारे काढता येणार पीएफची रक्कम, कशी आणि कधी; जाणून घ्या
- महाराष्ट्राचा अर्थसंकल्प ६ मार्चला; विधिमंडळाचे अधिवेशन २३ फेब्रुवारीपासून, मुख्यमंत्री फडणवीस मांडणार बजेट
मागण्या स्पष्ट आणि जुन्याच
शिक्षक-शिक्षकेतर संघटनांनी कोणत्या मागण्या घेतल्या आहेत?
टीईटी संदर्भातील सर्वोच्च न्यायालयाच्या निर्णयावर पुनर्विचार याचिका दाखल करावी
जुन्या पेन्शन योजनेची पुनर्स्थापना
शिक्षण सेवक योजना रद्द करून नियमित वेतनश्रेणी लागू करावी
शिक्षकेतर कर्मचाऱ्यांची भरती तात्काळ सुरु करावी
टीईटी निकालाचा चुकीचा अर्थ काढून कार्यालयांमधून सुरू असलेल्या कार्यवाहीला तात्काळ थांबवावे
शिक्षकांवरील अशैक्षणिक व ऑनलाइन उपक्रम थांबवावेत
कमी पटांच्या शाळा बंद करू नयेत
आश्रमशाळांतील कंत्राटी शिक्षक भरतीचे धोरण रद्द करावे
या मागण्या वर्षानुवर्षे प्रलंबित असल्यामुळे शिक्षक वर्गात नाराजी आहे.
- मोर्चा जिल्हाधिकारी कार्यालयावर
उद्या सर्व जिल्ह्यांमध्ये जिल्हाधिकारी कार्यालयांवर मोठे मोर्चे निघणार आहेत. शिक्षक संघटना समन्वय समितीच्या नेतृत्वाखाली हे मोर्चे काढले जाणार असून मोठ्या संख्येने शिक्षक व शिक्षकेतर कर्मचारी उपस्थित राहणार आहेत.
मोर्च्यानंतर मागण्यांवर निर्णय न झाल्यास संघर्ष अधिक तीव्र होऊ शकतो. नागपूरच्या हिवाळी अधिवेशनात शिक्षक पुन्हा मोठ्या संख्येने जमण्याची तयारी केली जात आहे. तसेच मुंबईत मोठे धरणे आंदोलन करण्याचाही इशारा संघटनांनी दिला आहे.
- पालक आणि विद्यार्थी संभ्रमात
या आंदोलनाचा थेट परिणाम विद्यार्थ्यांवर होणार आहे. अनेक पालकांनी शाळेत वेळेनुसार पाठवायचं की नाही, याबाबत संभ्रम व्यक्त केला आहे.
तथापि, शिक्षक संघटनांनी स्पष्ट केलं आहे की:
५ डिसेंबर रोजी शाळा बंद राहणारच.
शिक्षक संघटनांचा संदेश:
मागण्या न्याय्य आहेत. शासनाने वेळेत निर्णय घेतला नाही, तर आंदोलन उग्र होईल.”
राज्यभरातील वातावरण तापले आहे आणि उद्याचा दिवस शिक्षण क्षेत्रासाठी अत्यंत महत्त्वाचा ठरणार आहे.