बर्दापूर |
सरस्वती न्यू मॉडर्न इंग्लिश स्कूलमध्ये आज थोर समाजसुधारक आणि शिक्षणक्रांतिकारक महात्मा ज्योतिराव फुले यांच्या पुण्यतिथीनिमित्त अभिवादनाचा गंभीर आणि प्रेरणादायी कार्यक्रम संपन्न झाला. शाळेच्या परिसरात सकाळपासूनच अनुशासनबद्ध वातावरण जाणवत होते. विद्यार्थ्यांच्या उपस्थितीत महात्मा फुले यांच्या प्रतिमेला पुष्पहार अर्पण करून कार्यक्रमाची सुरुवात झाली.
- Brain drain : भारतासमोरील वाढती बौद्धिक गळती
- IND vs PAK : 18व्या षटकातील ‘त्या’ कॅचनंतर टीम इंडियात तणाव? हार्दिक-कुलदीप वादाचा व्हिडीओ व्हायरल
- मोठी बातमी : शेतकऱ्यांचा सातबारा कोरा होणार? १९९० ते २०२५ दरम्यानच्या कर्जमाफीसाठी सरकारची हालचाल; १४ जिल्ह्यांना सर्वाधिक दिलासा
- युपीआयद्वारे काढता येणार पीएफची रक्कम, कशी आणि कधी; जाणून घ्या
- महाराष्ट्राचा अर्थसंकल्प ६ मार्चला; विधिमंडळाचे अधिवेशन २३ फेब्रुवारीपासून, मुख्यमंत्री फडणवीस मांडणार बजेट
कार्यक्रमास संस्थेचे अध्यक्ष ताराचंद शिंदे, मुख्याध्यापक मधुकर जाधव, शिक्षक, शिक्षकेत्तर कर्मचारी आणि विद्यार्थी मोठ्या संख्येने उपस्थित होते. विद्यार्थ्यांनी शांततेत आणि आदरपूर्वक महात्मा फुले यांच्या कार्याचा स्मरण करत सामूहिक अभिवादन केले.
मुख्याध्यापक मधुकर जाधव यांनी आपल्या भाषणात फुलेंच्या शिक्षणविषयक कार्यावर प्रकाश टाकत समानतेचा संदेश विद्यार्थ्यांपर्यंत पोहोचवला. “सत्य, विज्ञाननिष्ठ विचारसरणी आणि सामाजिक बांधिलकी अंगीकारणे हेच फुलेंच्या कार्याला खऱ्या अर्थाने मानवंदना ठरेल,” असे त्यांनी सांगितले.
अध्यक्ष ताराचंद शिंदे यांनीही फुलेंच्या सामाजिक आणि शैक्षणिक योगदानाचे महत्त्व अधोरेखित केले. “आजचा विद्यार्थी उद्याचा नागरिक आहे. फुलेंच्या आदर्शांवर आधारित विचार समाजघडणीस उपयुक्त ठरेल,” असे त्यांनी म्हटले.
कार्यक्रमाच्या शेवटी शिक्षक, कर्मचारी व विद्यार्थ्यांनी महात्मा फुले यांच्या विचारांना जीवनात अंमलात आणण्याचा संकल्प केला. शिक्षकवर्ग आणि शिक्षकेत्तर कर्मचाऱ्यांच्या परिश्रमामुळे कार्यक्रम शांत, सुबक आणि प्रेरणादायी वातावरणात यशस्वीरीत्या पार पडला.