गेल्या काही दिवसांपासून सोशल मीडियावर एक भन्नाट ट्रेंड धुमाकूळ घालत आहे – Nano Banana AI. गूगलनं नुकतंच लाँच केलेलं Gemini 2.5 Flash Image Tool काही सेकंदांत साध्या फोटोला 3D फिग्युरिनमध्ये बदलतंय. हा नवा प्रयोग इतका लोकप्रिय ठरला आहे की इंस्टाग्राम, टिकटॉक आणि X (पूर्वीचं ट्विटर) यावर हजारो वापरकर्ते त्यांचे खास फोटो शेअर करताना दिसत आहेत.
या ट्रेंडला गती मिळाली ती आसामचे मुख्यमंत्री हिमंता बिस्वा सरमा यांच्या पोस्टमुळे. त्यांनी स्वतःचा 3D अवतार X वर शेअर करून युवा वर्गाशी कनेक्ट होण्याचा प्रयत्न केला. त्यानंतर बॉलिवूड सेलिब्रिटींपासून ते साध्या लोकांपर्यंत सगळ्यांनीच आपल्या फोटोचं 3D रुपांतर करून सोशल मीडियावर धुमाकूळ घातला. इम्रान हाशमीच्या फॅन्सनी त्याच्या ‘ओएमआय’ गाण्याचं खास 3D व्हर्जन तयार करून या ट्रेंडला रंगत आणली. एवढंच नव्हे, तर अनेकांनी पाळीव प्राण्यांचे 3D सुपरहिरो अवतार बनवून इंटरनेटवर पोस्ट केले आहेत.
लॉन्च झाल्यानंतर फक्त एका आठवड्यात तब्बल 10 दशलक्ष लोकांनी Google Gemini ॲपचा वापर सुरू केला आहे. आतापर्यंत सुमारे 200 दशलक्ष इमेजेस एडिट झाल्याचा गूगलचा दावा आहे.
तुम्ही कसा बनवू शकता 3D फोटो?
या व्हायरल ट्रेंडमध्ये सहभागी होणं अजिबात कठीण नाही. फक्त काही स्टेप्स फॉलो केल्या की तुम्हीही मिनिटांत स्वतःचा 3D फोटो तयार करू शकता –
Google AI Studio ला भेट द्या 👉 aistudio.google.com या लिंकवर जा.
फोटो अपलोड करा किंवा प्रॉम्प्ट द्या ‘+’ बटणावर क्लिक करून तुमचा फोटो अपलोड करा. किंवा प्रॉम्प्टमध्ये असा मजकूर द्या: “Build my 1/7 scale statue on the desk, with the ZBrush modeling screen behind, and a Bandai-style anime box on the side. Studio lighting is used for a photo-realistic effect.”
डाउनलोड आणि शेअर करा फक्त काही सेकंदांत 3D फिग्युरिन तयार होईल. तो डाउनलोड करून इंस्टाग्राम, फेसबुक किंवा X वर शेअर करा.
मोफत की पैसे द्यावे लागतील?
हे टूल सध्या मोफत उपलब्ध असलं तरी काही प्रीमियम फीचर्ससाठी सबस्क्रिप्शन लागू होऊ शकतं. तरीदेखील साधे फोटो 3D मध्ये बदलण्यासाठी मोफत व्हर्जन पुरेसं आहे.
एआय तंत्रज्ञान दिवसेंदिवस क्रिएटिव्ह होत चाललं आहे. Nano Banana AI ट्रेंडनं दाखवून दिलंय की काही मिनिटांत साधा फोटोही आकर्षक 3D अवतारात बदलू शकतो. भविष्यात अशा आणखी भन्नाट सुविधा वापरकर्त्यांना पाहायला मिळणार यात शंका नाही.
एआय तंत्रज्ञान दिवसेंदिवस क्रिएटिव्ह होत चाललं आहे. Nano Banana AI ट्रेंडनं दाखवून दिलंय की काही मिनिटांत साधा फोटोही आकर्षक 3D अवतारात बदलू शकतो. भविष्यात अशा आणखी भन्नाट सुविधा वापरकर्त्यांना पाहायला मिळणार यात शंका नाही.
