मराठवाड्यात जोरदार पावसाची शक्यता – हवामान विभागाचा अलर्ट

पुढील २४ तास मराठवाड्यासाठी महत्त्वाचे – IMD चा अंदाज

संभाजीनगर, जालना, बीडमध्ये हलक्‍या सरींची शक्यता

नांदेड, लातूर, धाराशिव जिल्ह्यांत विजांच्या कडकडाटासह पाऊस

मराठवाडा विशेष बातमी

मराठवाड्यात गेल्या काही दिवसांपासून पावसाने उघडीप दिली असली, तरी आता हवामानात लक्षणीय बदल जाणवू लागले आहेत. भारतीय हवामान विभागाने (IMD) वर्तवलेल्या अंदाजानुसार पुढील 24 तासांत मराठवाड्यात पुन्हा एकदा पावसाची जोरदार हजेरी लावण्याची शक्यता आहे.

आजचे हवामान

आज मराठवाड्याच्या बहुतांश भागात आकाश ढगाळ राहणार असून, हलक्यापासून मध्यम स्वरूपाचा पाऊस अनेक जिल्ह्यांमध्ये पडण्याची शक्यता वर्तवली आहे.

हवामान विभागाच्या प्राथमिक निरीक्षणानुसार:

छत्रपती संभाजीनगर, जालना, बीड, परभणी, हिंगोली – आकाश ढगाळ, हलक्या स्वरूपाचा पाऊस

नांदेड, लातूर, धाराशिव – विजांच्या कडकडाटासह पावसाची शक्यता

उद्याचे हवामान – 4 ऑगस्ट

पावसाचा जोर 4 ऑगस्टपासून वाढण्याची शक्यता असून हिंगोली, नांदेड, लातूर जिल्ह्यांमध्ये मुसळधार पावसाचा अंदाज आहे.
हवामान विभागाने या भागांतील नागरिकांना सतर्क राहण्याचे आवाहन केले आहे.

शेतकऱ्यांसाठी महत्त्वाच्या सूचना:

उभ्या पिकांचे नुकसान होऊ नये म्हणून निचऱ्याची व्यवस्था तपासा.

विजांच्या कडकडाटाच्या शक्यतेमुळे शेतीची कामे शक्यतो सकाळच्या वेळेतच पूर्ण करा.

हवामान विभागाच्या अधिकृत सूचनांकडे लक्ष ठेवा.

हवामान विभागाचा इशारा:

“मराठवाड्याच्या विविध भागात मुसळधार पावसाच्या शक्यता असून विजांच्या कडकडाटासह वाऱ्याचा वेगही वाढू शकतो. नागरिकांनी घराबाहेर पडताना काळजी घ्यावी.

श्रावणाच्या सुरुवातीस मराठवाड्याला समाधानकारक पावसाने साथ दिली असली तरी, पुढील काही दिवस हे शेतीसाठी अत्यंत निर्णायक ठरणार आहेत.
पावसाच्या संभाव्य मुसळधार सरी आणि हवामानातील चढ-उतार लक्षात घेता नागरिकांनी आणि शेतकऱ्यांनी सतर्क राहणे आवश्यक आहे.