Starlink Plan India : भारतातील दुर्गम भागात हायस्पीड इंटरनेटची सुविधा देण्यासाठी इलॉन मस्क यांच्या SpaceX कंपनीने मोठा निर्णय घेतला आहे. Starlink ने आता भारतासाठी अधिकृत Residential Internet Plan जाहीर केला असून, किंमती आणि वैशिष्ट्यांची माहिती कंपनीच्या वेबसाइटवर अपडेट करण्यात आली आहे.
Starlink कडून देण्यात येणाऱ्या माहितीप्रमाणे, मासिक सब्सक्रिप्शन शुल्क 8,600 रुपये इतके असेल. याशिवाय, डिश आणि राउटरसह हार्डवेअर किटसाठी 34,000 रुपये एकदाच भरावे लागतील. ग्राहकांना 30 दिवसांचा Free Trial देखील दिला जाणार असून, सेवा न आवडल्यास Full Refund मिळू शकणार आहे. प्लानमध्ये Unlimited Data देण्यात येणार आहे.
कंपनीकडून 99.9 टक्क्यांपेक्षा अधिक अपटाइमचा दावा करण्यात आला आहे. पारंपरिक broadband किंवा fiber नेटवर्क उपलब्ध नसलेल्या भागांसाठी ही सेवा अत्यंत उपयुक्त ठरणार असल्याचे Starlink च्या अधिकाऱ्यांनी स्पष्ट केले आहे. ग्रामीण आणि दुर्गम भागांमध्ये इंटरनेट कनेक्टिव्हिटीची ही नवी आशा असल्याचे तज्ज्ञांचे मत आहे.
- Brain drain : भारतासमोरील वाढती बौद्धिक गळती
- IND vs PAK : 18व्या षटकातील ‘त्या’ कॅचनंतर टीम इंडियात तणाव? हार्दिक-कुलदीप वादाचा व्हिडीओ व्हायरल
- मोठी बातमी : शेतकऱ्यांचा सातबारा कोरा होणार? १९९० ते २०२५ दरम्यानच्या कर्जमाफीसाठी सरकारची हालचाल; १४ जिल्ह्यांना सर्वाधिक दिलासा
- युपीआयद्वारे काढता येणार पीएफची रक्कम, कशी आणि कधी; जाणून घ्या
- महाराष्ट्राचा अर्थसंकल्प ६ मार्चला; विधिमंडळाचे अधिवेशन २३ फेब्रुवारीपासून, मुख्यमंत्री फडणवीस मांडणार बजेट
Starlink ने काही आठवड्यांपूर्वी LinkedIn वर बंगळुरू येथील ऑफिससाठी चार पदांसाठी भरती सुरू केली होती. यामध्ये Payment Manager, Accounting Manager, Senior Treasury Analyst आणि Tax Manager अशांचा समावेश असून, ही भरती कंपनीच्या India Expansion Strategy चा भाग असल्याचे मानले जात आहे.
अहवालांनुसार, भारतातील अनेक शहरांमध्ये Starlink Ground Stations उभारण्याची योजना करत आहे. या स्टेशनमुळे सॅटेलाइट इंटरनेटचा सिग्नल अधिक स्थिर राहील आणि गती सुधारण्यास मदत होईल, असा अंदाज वर्तवला जात आहे.
Starlink ची किंमत प्रीमियम श्रेणीमध्ये असली तरी ज्या भागांत इंटरनेट सुविधा नाही, तिथे ही सेवा मोठा बदल घडवू शकते. पुढील काही महिन्यांत Business आणि Commercial Plans जाहीर होण्याची शक्यता वर्तवली जात आहे